Erla perla ;)

Ákvað að hripa niður nokkur orð í tilefni dagsins. Jólaandinn allt um kring, mikið svakalega elska ég þennan árstíma. Öll fjölskyldan saman og svona. Allir í svo góðu skapi, þið vitið, svona pure kærleikur ;) ok, ég skal hætta áður en ég verð of væmin. Jólin í ár hafa samt sem áður markað sér stað í mínum huga. Það er ekki á öllum jólum sem kærleikur og sorg blandast saman en því miður þá dó afi minn á jólanótt. Ég er leið yfir því að hafa ekki verið með honum á aðfangadagskvöld, en maður hefur því miður ekki nein völd í svona málum. Að vissu leiti er ég ánægð fyrir hans hönd að hafa fengið að fara í svefni, heima uppi í rúmi. Hann fékk að upplifa aðfangadagskvöld og fékk að sjá okkur Ingunni útskrifast sem ég veit að skipti hann miklu máli.
Að öðru leiti þá líður mér vel og fjörið er búið að vera mikið með litlu krakkana. Svo er ekki nema vika í brottför............*trommusláttur*............nettur fiðringur kominn get ég sagt ykkur. Af því tilefni verður kveðjupartý hérna næsta föstudag (2. janúar), opið hús fyrir alla þá sem vilja koma og kveðja Erlu perlu íþróttafrík ;)
Ég hef þetta ekki lengra að sinni, lifið heil og spennið beltin.........ekki gleyma að njóta hverrar stundar af því að maður veit aldrei hvenær þetta tekur allt enda.....gleymið leiðinlegum hugsunum og þykið vænt um ykkur! (Erla sálfræðingur)
Knúsíknús...........
------------------------------------------------------